Тамос

Агар пешниҳоде барои муаллиф ва ё назаре дар бораи сафҳа ва матолиби он дошта бошед, лутфан онро дар зайл марқум бифармоед.

67 replies

  1. Комёб бошед!

    Нравится

  2. Ҷаноби Mike Hanry, бале ин сомонаи шахсии банда аст ва ҳар рӯз агар фурсате даст дод, матлаб хоҳам гузошт. Ва аммо дар робита бо сойти Кимиёи саодат, хидмати шумо арз кунам, ки ин сойт ба далолиле баста шудааст, ки феълан намехоҳам дар бораи он чизе бигӯям.

    Нравится

  3. Ассалому алайкум ако Сайидюнус бахшиш бошад аз шумо як дархост доштам ки ба ман кӯмак кунед роҷе ба як китобе ки ман онро аз забони форси ба забони тоҷики тарҷума кардам аммо ба сабаи ки ман мутъассифона таҳсилоти миёна дорам dироиши он аз ман сохта нест мешуд ки ин китоби пурарзиши <>-ро dироиш мекардед ки ин китобро ба дастраси тоҷикзабоҳо қарор диҳем ки бо сабаби он ба ҳидояти комил роҳ ёбанд. Бо ташаккур Собир.

    Нравится

    • Ва алайкум салом бародари азиз,
      Росташ намедонам оё фурсате кофӣ барои вироиши китоби шумо меёбам ё на, бинобар ин феълан ваъда намедиҳам. Агар касе дигарро барои ин кор пайдо бикунед, беҳтар аст.
      Пӯзиш, ки натавонистам ба дархости шумо ҷавоби мусбат бидиҳам. Зинда бошед!

      Нравится

  4. Салом ба ҳама! Бародар Собир, он китобатонро ба ман фиристед, ман то ҳадди имкон кӯмакатон мекунам. faridunislom@outlook.com

    Нравится

  5. Ассалому ъалайкум акаи Сайидюнус. Мо ҳар шаб аз сафҳаи Шумо аз бахши Омӯзиши Мантиқ ба азхудкунии ин фан машғулем ва аз Шумо хеле сипосгузорем аммо бим аз он дорем ки мабодо навиштани матолиби ин илмро идома надиҳед зеро ду ё се рӯз аст ки дарси 20-ро нанавиштаед. Мо тасмим гирифтем ки то охир мантиқро аз Шумои гиромӣ омӯзем зеро навиштаҳоятон бароямон фаҳмост.

    Нравится

    • Ва алайкум салом, зинда бошед бародари азизам Камолҷон! Фақат ду дарс монда, ки ҳамин имруз ва фардо онҳоро хоҳам гузошт.

      Нравится

  6. Салом дар мавриди Бозор Собир хуб гуфтед.

    Нравится

  7. Умедворем ба далели муваҷҷаҳе, ки Ҷаноби Шумо ҳам хуб огоҳ ҳастед, ба хотири мухлисони фаровоне, ки дар Эрон доред ва дар ин кишвар ин сомона филтер аст ва фақат бо филтершикан метавонем истифода намоем, ки сахтиҳои фаровон ва харҷи изофиро дарбар дорад, лутф мекардед ва дар як фазои дигаре низ матолибатонро мегузоштед, ки мо ҳам истифода намоем.
    Мисли он ки пештарҳо матолиби фесбукатонро дар одноклассники ба сурати комил мегузоштед ва мо бароҳатӣ истифода менамудем…
    Мунтазири хабарҳои хуш, мухлиси ҳамешагии шумо Умедвор

    Нравится 1 человек

  8. Ассалому алайкум акаи Сайидюнус! Инҷониб имшаб дарси 15-уми мантиқро хондам,аммо мисоли зарби дуввуми шакли дуввуми қиёсро нафаҳмидам. Дар боло хондам, ки шакли дуввуми қиёс
    онест, ки ҳадди васат дар ҳар ду муқаддима маҳмул воқеъ шавад, аммо дар ин мисол ҳадди васат, ки санг аст, дар муқаддимаи аввал маҳмул ва дар дуввум мавзӯъ аст. Ё шояд ягон ҷояшро ғалат фаҳмидам, ки боиси дарнаёфтанам шуд.
    Рости хеле хушҳол шудем, ки тасмими омӯзиши фалсафаро доред, мо ҳам ният доштем,ки баъди пурра фаро гирифтани мантиқ ба шумо инро пешниҳод мекунем, Дуо мекунем, ки Худованди Ҳаййу Қаййум умри шуморо зиёда гардонад, то аз дониши шумо моро ҳам суде восил шавад.
    Акаи Саййидюнус тавзеҳатонро дар бораи мисоли дар боло гуфташуда интизорам.

    Нравится

    • Ва алайкум салом,
      Даст марезод Камолҷон! Сипоси фаровон аз тазаккур, мисол он ҷо иштибоҳ оварда шуда буд, ман ислоҳаш кардам. Мисол ба ин сурат аст:
      1. Ҳеч инсоне ҷомид нест;
      2. Ҳар санге ҷомид аст;
      3. Натиҷа: Ҳеч инсоне санг нест.
      Ва аммо дарсҳои фалсафаро ҳамин имшаб ва ё иншоаллоҳ фардо шурӯъ мекунам.
      Саломат бошед!

      Нравится

  9. Ассалому алайкум акаи Саййидюнус. Пӯзиш, ки бо пурсишҳои худ вақти қимати шуморо мегирам. Имшаб баъди мутолиа кардани дарси 19 ва 20 ду чизро нафаҳмидам: 1.Мисоли 4-уми дарси 19, ки дар он ҳадди васат — зовияи Б — такрор шудааст, аммо дар матн омадааст, ки такрор нашудааст. 2.Дар дарси 20 яқиниёт ба ду тақсим мешаванд: бадеҳӣ ва назарӣ ва боз бадеҳӣ ба шаш, аммо дар бораи назарӣ гуфта нашудааст. ,Пӯзиш акаи Саййидюнус, ки ҷуръат карда мепурсам. Беандоза шавқ дорам, ки фалсафаву мантиқро донам ва акнун, ки чун шумо устоде фарзона ёфтам, талош мекунам, то бо фазли Аллоҳ ин дуро омӯзам.

    Нравится

    • Ва алайкум салом, зинда бошед Камолҷон! Посухи суоли шумо ба ин шарҳ аст:
      1. Чунон ки аз баҳсҳои қиёс равшан шуд, яке аз шартҳои натиҷабахш будани қиёс он аст, ки робита дар он бояд робитаи индироҷ бошад. Яъне дохил будани яке дар дохили дигарӣ. Ба сухани дигар, суғро бояд дар даруни кубро наҳуфта бошад. Барои ҳамин, яке аз шартҳои қиёсро такрори ҳадди васат донистаанд.
      Ҳол, яке аз касоне ки ба қиёс эрод гирифтааст, файласуф ва риёздони машҳури ангилисӣ Бертронд Росел (Bertrand Russell) аст. Ӯ мегӯяд:
      “Мантиқи арастуӣ чунин фарз карда, ки ҳамвора робитаи ду чиз дар як қазия ба сурати индироҷ аст, бинобар ин қиёсро мунҳасир карда бар истисноӣ ва иқтиронӣ, ва қиёси иқтирониро мунҳасир карда ба чаҳор шакли маъруф. Ва ҳол он ки як навъ робитаи дигаре ғайр аз робитаи индироҷ вуҷуд дорад, ва он робитаи тасовӣ аст, ки дар риёзиёт ба кор бурда мешавад. Мисли ин ки мегӯем:
      1. Зовияи А мусовӣ аст бо зовияи Б;
      2. Зовияи Б мусовӣ аст бо зовияи В;
      3. Пас, зовияи А мусовӣ аст бо зовияи В.
      Ин қиёс бо ҳеч як аз шаклҳои чаҳоргонаи мантиқ мунтабиқ нест, зеро ҳадди васат такрор нашудааст.”
      Дар воқеъ, мисоли Бертронд Росел чунин аст:
      1. А мусовӣ (баробар) аст бо Б;
      2. “Мусовӣ бо Б”, мусовӣ аст бо В;
      3. Пас, А мусовӣ аст бо В.
      Дар ин ҷо, мавзӯи кубро (“Мусовӣ бо Б”), ғайр аз маҳмули суғро (Б) аст. Яъне ҳадди васат такрор нашудааст. Ҳол, барои фаҳми беҳтар, ба ҷои А, Б ва В мисол зикр мекунем:
      1. “Масоҳати хонаи Шокир” мусовӣ аст бо “масоҳати хонаи Аҳмад”;
      2. “Масоҳати хонаи Карим” (ки мусовӣ аст бо “масоҳати хонаи Аҳмад”) мусовӣ аст бо “масоҳати хонаи Раҳим”;
      3. Пас, “масоҳати хонаи Шокир” мусовӣ аст бо “масоҳати хонаи Раҳим”.
      Чунон ки мулоҳиза мефармоед, мавзӯи кубро (“Масоҳати хонаи Карим”) ғайр аз маҳмули суғро (“Масоҳати хонаи Аҳмад”) аст, ва он такрор нашудааст.
      Агар Росел бо осори мантиқдонони исломӣ ошно мебуд, ба назар намерасид, ки ин эродро матраҳ бикунад. Зеро мантиқдонон, ба хусус Ибни Сино, ҳазор сол пеш аз ин ки Росел ин эродро бигирад, ба он посух гуфтаанд ва ин навъ қиёсро қиёси мусовот номидаанд.
      Хулосаи посухи Ибни Сино ин аст, ки қиёси мусовот гарчӣ дар зоҳир дорои ду муқаддима аст ва шароити ҳеч кадом аз шаклҳои чаҳоргонаи қиёси иқтирониро надорад ва ҳадди васат дар он такрор нашудааст, аммо бо таваҷҷӯҳ ба ин ки як муқаддимаи махфӣ ва пинҳон низ дорад, бо зикри он муқаддимаи махфӣ, баргашти ин қиёс ба қиёси иқтиронӣ равшан мешавад. Дар ҳамин мисол, муқаддимаи махфӣ ин аст: “Мусовии мусовӣ, ҳамон мусовӣ аст”. Бо таваҷҷӯҳ ба ин, “Мусовӣ бо Б” дар мисоли боло, дар воқеъ ҳамон Б мегардад, чун гуфтем, ки “Мусовии мусовӣ, ҳамон мусовӣ аст”. Бо ин ҳисоб, маълум аст, ки ин ҳам як қиёси иқтиронӣ аст, мунтаҳо як қиёси иқтиронии мураккаб.
      2. Ва аммо посухи суоли дуввум:
      Шояд он ҷо ин тавзеҳро медодам, ки бадеҳии назарӣ яъне қиёсе, ки муқаддимаҳояш агарчӣ бадеҳӣ нестанд (яъне барои касби онҳо ниёз ба фикр ва эъмоли назар аст), аммо такя бар муқаддимаҳои бадеҳӣ доранд. Мисол:
      1. Муҳаммад (с) паёмбар аст;
      2. Ҳар паёмбаре маъсум аст;
      3. Пас, Муҳаммад (с) маъсум аст.
      Дар ин мисол, ҳам суғро ва ҳам кубро бадеҳӣ нестанд, зеро ҳар ду ниёз ба исбот доранд, вале далел ва бурҳонҳое, ки ин ду муқаддима дар исботашон ба онҳо такя доранд, саранҷом ба бадеҳиёт бармегарданд.
      Як нукта: агар дар мисолҳо аҳёнан қазияҳои куллӣ намеоварам, ба ин хотир аст, ки мисол бо қазияҳои ҷузъӣ фаҳмаш осонтар аст. Вагарна чунон ки медонед, қазияҳо дар қиёс бояд ҳама куллӣ бошанд. Саломат бошед
      Аз Шумо хоҳиш мекунам, боз агар ҳар ҷо ишкол ва эроде дидед, ҳатман бароям ёдовар бишавед.

      Нравится

  10. Ассалому алайкум акаи Саййидюнус. Посухи пурсиши аввалро баъд аз он, ки мисоли «масоҳати хона»-ро овардед, алҳамдулиллаҳ, хеле хуб фаҳмидам. Сипосгузорам. Аммо посухи суоли дуввумро боз
    ҳам нафаҳмидам.
    Ва яқиниёт ба навбаи худ ба бадеҳӣ (ё бадеҳиёт) ва назарӣ (ё назариёт) тақсим мешаванд.

    Бадеҳиёт усул ва пояи яқиниётро ташкил медиҳанд ва бар шаш навъанд: аввалиёт, мушоҳадот,таҷрибиёт,мутавотирот,ҳадсиёт,фитриёт.
    Акаи Саййидюнус,ҳамин аввалиёт, мушоҳадот,таҷрибиёт,мутавотирот,ҳадсиёт,фитриёт ҳам бадеҳиётанд ва ҳам назариёт ё танҳо назариётанд? Аз дарс ман чунин фаҳмидам, ки инҳо бадеҳиётанд ва фақат ҳаминро дарнаёфтам, ки назариёт кадоманд. Яқиниёт ба ду тақсим мешаванд: бадеҳӣ ва назарӣ. Бадеҳӣ инҳоянд: аввалиёт, мушоҳадот, таҷрибиёт,мутавотирот, ҳадсиёт, фитриёт. Назариёт кадомҳоянд нафаҳмидам. Бо эҳтиром.

    Нравится

    • Ва алайкум салом,
      Ин шаш навъ, ҳама бадеҳиёт ҳастанд. Ва аммо назариёт (ё назарӣ), яъне яқинии назарӣ, Манзур ин аст, ки ин қазия яқинӣ аст, вале мисли бадеҳиёт ба худии худ пеши зеҳн маълум нест, балки пас аз фикр ва назар равшан мешавад. Ва ин ҳам, ки инро яқинӣ мегӯянд, чун натиҷааш яқинӣ аст, на заннӣ. Саломат бошед!

      Нравится

  11. САЛОМ. САВОЛИ МАН АЗ ҲАМАИ ҲУҚУҚШИНОСОНИ ТОҶИК ИН АСТ, КИ ОЁ БО «ОБЛАВА» АЗ КУЧАВУ ХИЁБОН Ё ҶОИ КОР ВА Ё ҲАТТО АЗ ҶОИ ХОБ(!) ДАСТГИР КАРДАНИ ҶАВОН ВА БО ЗУРӢ БА ХИЗМАТИ ҲАРБӢ БУРДА ШУДАНАШ АЗ РУИ ҚОНУН ДУРУСТ АСТ Ё НЕ? АГАР ДУРУСТ БОШАД, МО СУКУТ КУНЕМ ВА АГАР НОДУРУСТ БОШАД БА КУҶО ШИКОЯТ БАРЕМ?
    PS.АЗ МУҲТАРАМ УСТОД САЙИДЮНУС УЗРХОҲӢ МЕКУНАМ КИ ИН СУОЛРО ИН ҶО МАТРАҲ КАРДАМ, БА НАЗАРАМ ИН ТАНҲО МИНБАРЕСТ КИ АФРОДЕ АМСОЛИ БАНДА «ДОДАШОН»-РО МЕТАВОНАНД БИЗАНАНД, БИНОБАР ИН БАХШИШ УСТОД.

    Нравится

  12. Акаи Сайидюнусҷон, омӯзиши фалсафаро раҳо кардед?

    Нравится

  13. Дар Сурия чунин корро намекунанд….

    Ба кабристон нигар то бубини,
    Ки дунё бо харисонаш чи кардааст!
    Салом алейкум бародарон ва хоҳарони гироми. Рости банда аз навиштани чунин хабар ба Шумо шарм медорам. Лек маҷбур ҳастам, ки бинвисам чунин хабари бе нангу бе номусиро. Банда зодаи зебоманзари водии Зарафшон хастам. Хамавақт бо бузургони ин диер ифтихор доштам ва дорам.
    Санаи 19 май дар ноҳияи Айни киҳлоки Ревад ходисае руй дод, ки тамоми ин деҳаро ба хайрат афтодааст.
    1. Шаби 19 –уми май дар кабристони кишлок шахси номаълум даромада зиеда аз 25 мар-марҳои болои кабрҳоро шакастааст.Дар кишлоки мо тули 3 рез аст, мардум ба воима зер кардаги аст.
    2. Инчунин дар кишлок шахси номаълум шабонарузи ба бомхои мардум сагн мепартоянд, ки дар натича як чанд шифирхои хонахо шакастаги аст.
    Айни замон дар кишлок кормандони ВКД омадаги хастанд лек ягон натиҷае нест аз кори онҳо. Зеро ки рузона рафта онҳо дар истироҳатгоҳи раиси кишлок хоб мекунанд гуе ягон коре нашуда бошад.
    Аз Шумо хаминро мегуям, ки дар кишлок чор масҷид мавчуд аст. З-тои он бо мазҳаби ҳанафи ва яктои он аз руи гуфти мардум салафи аст.

    Ба Шумо дустини азиз ва рузноманигорони гироми хаминро хохиш менамоям, ки хамин масъаларо барраси намоед. Дар сурати пайдо шудани маълумот ҳатман ҳабар медиҳам.
    Бо эҳтиром сокинони зебоманзари ноҳияи Айни қишлоки Ревад.

    Нравится 1 человек

  14. Саидюнуси истаравшани обод бошед бародар барои макола рахмат

    Нравится

  15. Ассалому алайкум, акаи Сайидюнус. Оё Фисоғурис ҳамон Пифагор аст, ки дар ҳандаса мехондем(теоремаи Пифагор)? Оё Афлотун ба вуҷуди Худованд бовар дошт? Қаблан сипосгузорам.

    Нравится

    • Бале, Фисоғурис ҳамон Пифагор аст дустам. Ҳам Афлотун ва ҳам Арасту ҳар ду мӯътақид ба вуҷуди Худо буданд, иншоаллоҳ дар ин бора ҳам дар сари фурсат баҳс хоҳам кард. Саломат бошед!

      Нравится

  16. Салом устод, як савол бароям пеш омадааст, ки мехоҳам чавоби онро аз назари ислом бароям бигуед. Шояд хонда бошед, ки донишмандон имруз муваффак ба шабеҳсози (клонирование) шудаанд ва хатто назарияви исбот шудааст, ки метавон аз руи ДНКи як шахси мурда нусхаи уро сохт. Масалан, ДНКи Энштейнро агар тавонистанд ба даст биоваранд, метавонанд уро зинда кунанд, агарчи амалан озомоиш дар ин хусус ба натича нарасидааст, лекин назарияви ба исбот расидааст, ки шояд рузе ба ин кор муваффак шаванд. Савол ин аст:
    1. Оё метавонем гуфт, ки одами шабехсозишуда офарида ва бандаи Худо аст? Зеро сохтаи инсон аст.
    2. Мегуянд мурдаро зинда карда намешавад ва баъд аз мурдан ба олами дигар меравад, оё вакте ин назария ба натича расад, чавобаш чист?
    3. Барои чи олимони исломи бо шабехсози (клонирование) сахт зиддият карданд? Оё ин зиддият, зиддият бо илм нест?
    Ба ин саволхо чавоб медодед.
    Пешопеш ташаккур устод.
    Набичон Рауфзод

    Нравится

    • Посух: Бисмиллоҳир Раҳмонир Раҳим. Ва алайкум салом. Посухи пурсиши шумо зимни баёни чанд нукта равшан хоҳад шуд:

      1. Иҷоза бидиҳед, аввал шабеҳсозиро таъриф бикунам. Шабеҳсозӣ (ва ё ҳамон клонирование) иборат аст аз: таксири як мавҷуди зинда (масалан, як гиёҳ ё як ҳайвон ва ё ҳатто як инсон) бидуни омезиши ҷинсӣ. Ва он чӣ то кунун донишмандон дар ин замина муваффақ ба он шудаанд ин аст, ки тавонистаанд, ёхта (клетка)-и зиндаро дар як шароити хосс таксир ва табдил ба як ҷондор (гиёҳ, ҳайвон, инсон) бикунанд. Аммо дар шабеҳсозии ҷасади пӯсида, ҳанӯз ба муваффақияте даст наёфтаанд ва албатта таҳқиқот ва озмоишҳо рӯйи ин кор дар ҳоли анҷом аст ва чи басо муваффақ ҳам бишаванд, ки баъид ба назар намерасад.

      2. Ва аммо ин ки мегӯед “оё метавонем гуфт, ки одами шабеҳсозишуда офарида ва бандаи Худо аст?..”, бале, ки офарида ва бандаи Худост. Магар ғайр аз ин аст. Шояд ин шубҳа пеши шумо ношӣ аз ин аст, ки тасаввури шумо аз мафҳуми “халқ” ва “офаридан”, тасаввури дурусте набошад. Халқ ва офаридани Худо яъне ба вуҷуд овардан, ҳастӣ бахшидан, чизеро ки набуда падид овардан. Ва ғайри Худо, ҳеч мавҷуде қодир ба халқ ва офаридан ба ин маъно нест. Асосан, бештари иштибоҳҳои мо инсонҳо ношӣ аз ташбеҳи офаридани Худо ба кори масалан як банно ва сохтмонмоз ва ё як усто аст. Фикр мекунем, офаридани Худо шабеҳи кори як банно аст. Дар ҳоле ки кори як банно ва сохтмонсоз (ва ё ҳар созандае дигар) ҷуз ин нест, ки чизҳоеро, ки мавҷуд ҳастанд, дар канори якдигар бо як тартиби хосс мечинад ва чизеро дуруст мекунад. Масалан, рӯйи чӯбу тахтаву оҳану ғайра кор мекунад ва ё хишту оҳаку симону ин қабил ашёро бо як тартиби хосс дар канори якдигар мечинад ва хонае дуруст мекунад, на ин ки чизеро, ки аслан набуда ва вуҷуди хориҷӣ надошта падид оварда бошад.

      Хуб, ҳоло “халқ” ва “офарида шудан”-и мавҷудот — ки кори Худост – ба чӣ сурат ҳастанд? Оё чунин аст, ки онҳо як дафъа ва ба якбора аз осмон фуруд оянд? Маълум аст, ки чунин нест, балки ҳар яке аз ин мавҷудот, аз роҳҳои махсусе халқ ва офарида мешаванд; роҳҳое, ки худи Худо хоста аз он тариқ халқ бишаванд. Ҳоло як мисоле бизанам, то масъалаи шабеҳсозӣ низ бароятон равшан бишавад. Масалан, мевае ба номи себ чӣ гуна халқ ва офарида мешавад? Як роҳаш – ки роҳи роиҷ аст — ин аст, ки ҳаста ва донае аз себро дар замин мепошанд ва он дона ба тадриҷ табдил ба як дарахт ва сипас ин дарахт меваи себро ба самар мерасонад. Пас себ, ки як офаридаи Худост, роҳи падид омаданаш ҳамин будааст, на ин ки як дафъа аз осмон фуруд ояд. Ва як роҳи дигаре ҳам дорад, ва он ин ки деҳқон шохае аз як дарахти себро аз роҳи қаламзанӣ ба як дарахти дигар пайванд мезанад ва аз он дарахт меваи себ ба бор меояд. Ин ҳам як роҳи дигари падид омадани себ аст. Пеш аз кашфи қаламазанӣ ва пайванд дар олами гиёҳон, шояд башар фирк мекарда, ки танҳо роҳи ба вуҷуд омадани себ, ҳамон роҳи коштани ҳаста ва донаи он ба замин мебошад, вале баъд аз ин кашф фаҳмид, ки роҳи дигаре ҳам доштааст, ки ҳамин роҳи қаламзанӣ ва пайванд будааст. Шояд роҳҳои дигаре ҳам барои падид омадани себ вуҷуд дошта бошад, ки ҳанӯз башар кашф накарда ва шояд ҳам кашф карда бошад, ки банда чандон иттилоъе надорам. Мегӯянд, имрӯза чиниҳо бархе аз меваҳо ва ҳатто тухми мурғро аз як роҳҳои аҷибу ғарибе падид меоваранд ва шунидам, ҳатто дар бозорҳои Тоҷикистон имрӯз аз ин навъ тухми мурғҳо фурӯхта мешудаанд.

      Шабеҳсозии инсон ҳам, чизе шабеҳи ҳамин пайванд ва қаламазанӣ дар олами гиёҳон аст. Башар пеш аз он ки муваффақ ба кашфи роҳи таксири як ҷондор аз роҳи шабеҳсозӣ ва бидуни омезиши ҷинсӣ бишавад, шояд фикр мекарда, ки танҳо роҳи падид омадани як ҷондор — мисли як ҳайвон ва ё як инсон — ин аст, ки бояд нару модае бо ҳам омезиш бикунанд ва нутфаи нар дар раҳим (баччадон)-и мода қарор бигирад ва мода бордор бишавад ва пас аз муддате (масалан 9 моҳ дар инсонҳо) ва тайи мароҳиле, мавҷуде ба номи инсон падид ояд. Вале пас аз ин кашф башар фаҳмид, ки на, танҳо роҳаш он набудааст, ки балки агар барои як ёхта (клетка) шароите дар берун аз раҳим (баччадон) – ки шабеҳи шароити ҳамон раҳим аст – фароҳам бишавад, ҷондор падид меомадааст. Шояд роҳҳои дигаре ҳам бошад, ки башар ҳанӯз муввафақ ба кашфи он роҳҳо нашуда ва чи басо дар оянда кашф кунад.

      Хуб, ба ҳар ҳол, нақши инсон дар фароянди ба вуҷуд омадани як мавҷуди ҷондор, ин нест, ки пиндошта шавад, ки ба ҷойи Худо нишаста ва кори Худоро карда, ҳаргиз! Балки фақат ин аст, ки башар тавониста роҳе аз роҳҳои таксири ҷондорро кашф бикунад. Асосан, илм дар ҳамаи соҳаҳо кораш ҷуз кашфи қавонини ҳоким бар олами табиат нест; қавонине, ки дар воқеи амр ва сарфи назар аз кашф ё адами кашфи мо, ҳастанд. Пас, ҳунари башар фақат кашфи онҳост, на чизе дигар.

      3. Ва аммо ин ки мефармоед, “Мегуянд мурдаро зинда карда намешавад ва баъд аз мурдан ба олами дигар меравад, оё вакте ин назария ба натича расад, чавобаш чист?”, посух ин аст, ки иттифоқан, пайравони адён мегӯянд мурдаҳо зинда мешаванд. Яъне пас аз марги як инсон, руҳи ӯ мунтақил ба олами барзах шуда ва дар қиёмат бо ҳамин ҷасадаш ҳашру нашр мешавад. Ин ҳарфи ҳамаи адёни осмонӣ аз яҳудияту насронияту ислом аст. Дар сураи муборакаи Ёсин мехонем:

      أَوَلَمْ يَرَ الْإِنْسَانُ أَنَّا خَلَقْنَاهُ مِنْ نُطْفَةٍ فَإِذَا هُوَ خَصِيمٌ مُبِينٌ. وَضَرَبَ لَنَا مَثَلًا وَنَسِيَ خَلْقَهُ قَالَ مَنْ يُحْيِ الْعِظَامَ وَهِيَ رَمِيمٌ. قُلْ يُحْيِيهَا الَّذِي أَنْشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ. الَّذِي جَعَلَ لَكُمْ مِنَ الشَّجَرِ الْأَخْضَرِ نَارًا فَإِذَا أَنْتُمْ مِنْهُ تُوقِدُونَ. أَوَلَيْسَ الَّذِي خَلَقَ السَّمَاوَاتِ وَالْأَرْضَ بِقَادِرٍ عَلَى أَنْ يَخْلُقَ مِثْلَهُمْ بَلَى وَهُوَ الْخَلَّاقُ الْعَلِيمُ. إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ. فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ

      “Оё одамӣ надида (ва надонистааст), ки мо ӯро аз нутфае офаридем, ки акнун ситезагаре ошкор аст? Ва барои мо масале зад (дар зинда кардани мурдагон) ва офариниши худро фаромӯш карда, гуфт: кист, ки устухонҳоро дар ҳоле ки пӯсида ва хок шуда зинда мекунад? Бигӯ: ҳамон (Худое), ки нахустин бор офаридаш зиндааш мекунад, ва Ӯ ба ҳамаи офаридаҳо доност. Ҳамон (Худое), ки барои шумо аз дарахти сабз оташе падид кард, пас он гоҳ шумо аз он оташ меафрӯзед. Оё он ки осмонҳо ва заминро офарид, бар офаридани монанди инҳо тавоно нест? Бале (тавоност), ва Ӯст офаридгори доно. Ҷуз ин нест, ки кор ва фармони Ӯ, чун чизеро бихоҳад, ин аст, ки гӯядаш: бош, пас мебошад. Пас пок ва муназзаҳ аст он (Худое), ки подшоҳии (моликият ва ҳокимияти) ҳама чиз ба дасти Ӯст ва ба сӯйи Ӯ бозгардонида мешавед.” (Сураи Ёсин, 77-83)

      Пас, агар рӯзе башар қодир ба кашфи ин роҳ бишавад, ки аз рӯйи ДНК-и як ҷасади пӯсида шабеҳи вайро таксир бикунад, ин дуруст дар таъйиди ҳамон андешае аст, ки адён мегӯянд.

      Аммо нуктаи қобили ёдоварӣ дар ин росто ин аст, ки шабеҳсозии як ҷасади пӯсида, зинда кардани худи вай нест, иштибоҳ нашавад. Ҳатто худи назарияпардозони ин теурӣ ҳам намегӯянд, ки агар рӯзе тавонистанд аз рӯйи ДНК-и ҷасади Эйнштейн онро таксир бикунанд, таксиршуда айнан худи Эйнштейн хоҳад буд, балки мегӯянд, шабеҳ ва ба истилоҳ, нусхаи вай хоҳад буд. Ҷасаде, ки шояд дар зоҳир комилан бо вай монанд ва шабеҳ бошад, аммо ба ҳар ҳол, худи вай нест. Ӯ, ки мурдааст, руҳаш мунтақил ба олами барзах шуда. Аммо ин ҷасади ҷадид ва шабеҳи вай, руҳе дигар хоҳад дошт бо зиндагӣ ва ҳаёте комилан дигар.

      3. Ва аммо дар посух ба пурсиши севвуми шумо, ки мегӯед, “Барои чи олимони исломи бо шабехсози (клонирование) сахт зиддият карданд? Оё ин зиддият, зиддият бо илм нест?”, арз шавад, ки аввалан, донишмандони исломӣ дар мавриди шабеҳсозӣ, фақат бо шабеҳсозӣ ва таксири инсонҳо мухолифат кардаанд, на шабеҳсозӣ дар олами ҳайвонот. Албатта, на танҳо олимони исломӣ, ки бештари динмадорони олам аз насрониҳо ва яҳудиҳо ва куллан арзишмадорон бо таксири инсон мухолифат кардаанд. Сониян, зиддият бо ҳар кашфе, лузуман зиддият бо илм нест. Иштибоҳ нашавад. Хеле аз кашфиёт ҳастанд, ки ба суд ва нафъи башар нестанд. Масалан, сохти бомби атомӣ оё ба суд ва нафъи башар тамом шуд? Бисёре аз уламои исломӣ сохти бомби атомиро ҳаром медонанд. Аммо оё ин таҳрим, ба маънои он аст, ки онҳо бо илм мухолифат кардаанд. Ҳаргиз! Фуқаҳои мо, ки бо таксири инсонҳо мухолифат кардаанд, далели мухолифаташонро ин медонанд, ки дар сурати таҳаққуқи якчунин чизе, ҷомеа бо анбӯҳе аз афроди бе падару модар ва бе отифае рӯ ба рӯ хоҳад шуд, ки Худо медонад агар бисёр бишаванд, башар бо чӣ рӯзгоре мувоҷеҳ хоҳад шуд. Ёдам ҳаст, як филме дида будам, ки ба назарам сохтаи Ҳоливуд буд дар ин бора, ки як сиёсатмадори бадхӯ ба донишмандон суфориш мекунад, ки барои вай якчунин инсонҳоеро бисозанд ва онҳо ҳам месозанд, ва он гоҳ ин бадхӯ артише аз ин одамони бе падару модар, ки фақат фармонбардори ӯ буданд, ташкил медиҳад ва дар пайи тасхири кулли олам мешавад. Пас, мо бояд бидонем, уламои мо, ки бо ин амр ба мухолифат бархостаанд, далелашон чист, на ин ки мухолифати онҳо ҳамли бар мухолифат бо илм ва пешрафт талаққӣ бишавад.

      Ба ҳамин андоза иктифо мекунам, саломат бошед.

      Сайидюнуси Истаравшанӣ

      Нравится

  17. Салом алайкум бародари азиз ! Чаро сайти пештараи Шумо бо номи Кимеи Саодат кушода намешавад? Ба ман чанд матолиб аз он сайт зарур аст. Саломату сарбаланд бошед.

    Нравится

    • Ва алайкум салом, он сойт баста шудааст, алъон мақолаҳо ва навиштаҳои ман дар ҳамин веблогам нашр мешаванд. Метавонед он чиро бароятон зарур аст, дар ҳамин ҷо таҳия кунам. Онро бароям нависед. Саломат бошед!

      Нравится

      • Салом алайкум бародари азиз! Саломату сарбаланд бошед хамеша барои ман мурочиати Угулой Гаффорова ки ба раиси чумхур хато на кунам мохи ноябри соли гузашта карда буд зарур аст. Агар мушкили на бошад ба почтаам равно кунед низ мешавад.

        Нравится

      • Ва алайкум салом, он гузоришро мутаассифона дар бойгонӣ надорам. Зинда бошед!

        Нравится

      • Ва алайкум салом, мутаассифона онро дар бойгонӣ пайдо накардам хоҳари азиз, бо арзи пузиш!

        Нравится

  18. Сайидюнуси гиромӣ, мехостам, ба як саволам аз шумо посух гирам, аммо дар ин блогатон ҷои саволдиҳиро наёфтам. Чӣ гуна саволамро ба шумо ироа кунам?

    Нравится

  19. Дӯсте дорам, ки хост ба ин саволаш посух ёбад. Ба ин ке ӯ Интернет истифода намекунад.
    «Ман таи чанд сол аст, ки бемории рӯҳӣ дорам. Муолиҷаҳо бо духтур, домулло кардам, беморӣ дуруст нест. Намоз мехондам. Акнун аз шумо пурсиданӣ ҳастам, ки оё барои ман комилан шарт, ки намоз хонам? Ман фикр мекунам, намоз барои касе комилан шарт аст, ки саломатии равонӣ дошта бошад. Сипос!»

    Нравится

    • Иншоаллоҳ сари фурсат посухи пурсиши шуморо медиҳам.

      Нравится

    • Ба номи Худо, намоз дар шариати ислом фақат аз зиммаи касе бардошта мешавад, ки комилан аз ақл рафта бошад, яъне девона бошад. Бинобар ин, агар дӯсти шумо аз ақл нарафтааст, яъне медонад, ки чӣ кор мекунад ва ба рафторҳояш огоҳ аст, намоз аз гардани ӯ соқит намешавад ва бояд бихонад. Ба сухани дигар, баъзе вақтҳо одам ба як бемории руҳӣ ва равонӣ гирифтор мешавад, вале ақлашро аз даст намедиҳад ва медонад, ки чӣ кор мекунад, барои инчунин инсоне намоз фарз аст, набояд намозро тарк кунад. Ва як вақт ҳам ҳаст, ки ӯ гоҳе ақлашро аз даст медиҳад ва гоҳе ҳам ба худ меояд, барои инчунин инсон, намоз замоне ки беҳуш аст, аз зиммааш соқит аст, вале замоне ки ба ҳуш ояд ва бидонад чӣ кор мекунад, намозро бояд бихонад.
      Барои дӯстатон дуо мекунам, ки Худованд барояш шифо бидиҳад!

      Нравится

  20. Домуллои азиз салом, ва иди саиди курбонро бароятон муборак бод мегуям! Домулло дар фейсбук нафаре ба исми шумо ба варсоки гуихо овора аст, агар хабар надошта бошед! Намонед ки шумои арчманду мухтарамро бадном кунанд. Дар ин бора метавонед бо ташкилкунандагони фейсбук тамос бигиред!

    Нравится

  21. Assalamu alaykum oyo Khumayniro kofir gufta metavonem ?

    Нравится

  22. Салом алейкум ва рахматуллох! Ман ду суол доштам:
    1. Як зану шавхар чанчол мекунанд, ва дар охир зан аз хона баромада рафтани мешавад, шавхараш ба занаш мегуяд, ки агар аз остонаи хонаам берун рави ту бар ман харом хасти, вале зан ба
    гапи шавхараш ахмият намедихаду баромада меравад, оё ин зан ба шавхараш харом шудааст? (Бояд кайд кард, ки ин мард аракхур аст, ва нафакаи хонаашро таъмин намекунад ва ба пули ёфтааш
    арак мехурад, вале дар вакти чанчол бо занаш ва дар аснои гуфтани гап хушьёр будааст)
    Суоли 2: Як зану мард мехоханд пинхони никох кунанд, оё дар шохидии як марди шохид, зан нафсашро ба мард бахшад ва мард кабул кунад, оё ин хам никох хисоб мешавад ё на?

    Чавобашро ба е-майл интизор хастам.
    Ташаккур!

    Нравится

    • Ба номи Худо

      Посухи пурсиши аввал: Бале, дар ин сурат, бо камоли таассуф як талоқ воқеъ мешавад ва бояд таҷдиди никоҳ кунанд, чӣ мард арақхӯр бошад ва чӣ набошад, зеро муҳим шавҳари ӯст.

      Дар «Маҳмудул-фатово» дар посух ба ин пурсиш, ки «Яке ба завҷааш мегӯяд: агар шумо чунон кардед, хона ва нон барои шумо ҳаром аст, албатта нияти талоқ доштааст, зан низ муртакиби он кор шудааст, ҳукмаш чист?», мефармояд:

      «Эҳтиёт дар ин аст, ки зану шавҳар таҷдиди никоҳ кунанд. Яъне рӯ ба рӯи ду мард ва ё як мард ва ду зан эҷобу қабул кунанд. Ва эҷобу қабули шаръӣ ин аст, ки шавҳар бигӯяд: ман шуморо ба никоҳи худ даровардам ва ҳамсар қабул кунад, албатта шавҳар дар оянда молики ду талоқи дигар мебошад.» (Маҳмудул-фатово, с. 752)

      Посухи пурсиши дуввум: Дар никоҳ шарт аст, ки ақди издивоҷ дар ҳузури шоҳидҳо (яъне ду мард ва ё як мард ва ду зан) анҷом бигирад, бинобар ин, он чӣ фармудед, никоҳи шаръӣ ба шумор намеояд.

      Саломат бошед

      Сайидюнуси Истаравшанӣ

      Нравится

  23. Ёддошти Маҳмудхон Бурҳонов

    Ин ёд дошт ро хондам як чиз аз дахонаш парондаст
    Шумо агар тахлилгар мебудед хечгох ин харфхоро намезадед. Дар бораи ин вокеа факат харфхои Додочон пароканда шуда аст ба хар тараф чун ки бо мархуми шахид Хочи Халим хурда хисоби дошт барои хамин хар анги ро ба у мехохад часпонад вале мо медоним ки Хочи Халим ,Эшони Чунайд ,Мулло Умар,Эшони Зайнуддин ки хо буданд .
    Онхо шерони буданд ки мархуми устон Нури ба унвони посдори нахзат ва умати мусалмони точик чо гузошта буд ва Рахмонуф низ мисли саг аз онхо метарсид ва бе кумаки Чин,Русия ва ОДКБ аз паси онхо бар намиомад вале афсус .
    Чи зеки боки мондаст чуз хасу хошок нист
    Вале масулият барои бокимонда сангин шудаст!

    Нравится

  24. Салом
    Пиво(буза)е ки дар болои куттии он NON ALCOHOLIC яъне бе олкогол нависта шудааст нушидан барои мусалмон чоиз аст?
    Бошед то бошем!

    Нравится

    • Ва алайкум салом,
      Номи он «моушшаъир» аст ва нӯшиданаш ҷоиз аст агар маҳсули кишварҳои исломӣ бошад, мисли Туркия, Аморот, Эрон, Саудӣ ва соири кишварҳои исломӣ, зеро холӣ аз алкул аст. Аммо агар маҳсули кишварҳои ғайри исломӣ бошад, эҳтиёт он аст, ки парҳез шавад, магар ин ки итминон ҳосил шуда бошад, ки холӣ аз алкул мебошад. Саломат бошед!

      Нравится

  25. Саломалайкум! монда набошен! хоҳиши мо ҳамин аст, ки rss и ин сайттонро ба роҳ андозед!…. чун мо ҳам хоҳони охирон хабарҳо ва таҳлилҳо ҳастем ва ҳам вақте надорем ки ба яко яки сайтҳо ба воситай кампютер мурочеа кунем! бо сипоси фаровон! ва як чаҳон ташаккури пешаки!

    Нравится

  26. Як чаҳон ташаккур!….. бе саброна интизорем!

    Нравится

  27. саломалекум!…. rss чи шуд?

    Нравится

  28. ташаккур барои РСС…

    Нравится

  29. Ассалому алайкум домуллои мухтарам. Мехостем дар сахифаи худ матолибе перомуни адолати ичтимои аз нигохи Ислом чой медодед. Ташаккур бар шумои азиз!

    Нравится

  30. Салом. Фарорасии мохи муборак муборакатон!
    Чанд саволе доштам фурсат ки ёфтед посух бдихед каблам мамнун!
    1. то чое ки ман огахам вакте ки пешоб карди тахорат мешиканад ва истинчо хатми аст. оё бади пешоб истинчо(шустани олот) ва шустани каллахои пой хатмист? бародаре мегуяд ки агар сахар тахорат карди ва истинчо карди ва дар давоми руз агар пешоб куни хам шустани по ва олот мухим нест ва бо шустани дасту ру намоз хондан равост. оё ин гуфтахо дуруст аст? 2. дар мохи рамазон баъди ифтор кардан масалан дар давоми соатхои 9 бегох то 2и шаб бо зани халоли никохии худ алока кардан равост? 3. дар бораи хайз. агар зан се руз касали занона шавад рузи 4ум бо у алока кардан равост ё инки 3руз хайз бинад 3 рузи дигар биисти баъд алока куни? муваффак бошед!

    Нравится

    • Ва алайкум салом:
      1. Истинҷо ҳар боре, ки қазои ҳоҷат кардед, лозим аст. Гуфтаи он бародар дуруст нест.
      2. Дар Рамазон, ҷимоъ бо ҳамсар фақат замоне ҷоиз нест, ки мусалмон рӯза бошад, яъне аз саҳар то мағриб (шом). Ва аммо баъд аз ифтор то саҳар, ҷимоъ бо ҳамсар ҷоиз аст.
      3. Ҷимоъ бо ҳамсар баъд аз ҳайз, аз ҳамон замоне ки хун қатъ шавад ва ғусл кард, равост.
      Саломат бошед!

      Нравится

      • Хазор рахмат домулло!!! Пирузу муваффак бошед ва Худо арчатон бидихад! Банда хам зарур будани истинчоро шунида будам ва барои мутмаин шуданам аз шумо пурсидам, захмат кашидеду чвоб додед, ки иншоаллох, арчашро мебинед.

        Нравится

      • Саломат бошед!

        Нравится

  31. Salom

    Нравится

  32. Салом идатон муборак бошаду хамеша солим бошед! аз ШУМО 1 ХОХИШ ки линк ё худи видиои кироатхоятонро инчо гузоред каблан мамнун. Чое гуш кардам ки хеле хуб кироат мекунед ва ба андешаи ман бахраманд гаштани хонандагони Ксаадат аз он муфид аст

    Нравится

    • Ва алайкум салом, агар манзуратон қироати Қуръони Карим бошад, банда қории баноме нестам дӯстам! Қироатам аз қироатҳои дигарон ҳеч тафовуте надорад. Саломат бошед!

      Нравится

  33. Чун хамеша хоксоред. Бале манзурам қироати Қуръони Карим аст агар имконатон шуд ва агар сабтхое доред дар ютуб ё ин ки хаминчо гузоред, ташаккур!

    Нравится

  34. Ассалом акаи Саидюнус аввалан мамнунам аз ин сайти Шумо нав дастрас кардам, Локин бовари дорам ки то андозае аз ин ҷо баҳрае мебарам, Барои ман китоби Кимиёи Саодат электрониш зарур аст, Илтимос ака агар доштабошед ба мар ирсол мекардед,Бори дигар илтимос акаи САИДЮСУф,

    Нравится

  35. Салом устод беҳтарин саифа ман нав дарёфт кардам Аллоҳ аз шумо рози бошад

    Нравится

  36. Ассалому ъалйкум устод мехостам аз шумо бипурсам , дар Руссия шахсоне хастанд аз Точикистон,ки дар калисои русхо кор мекунанд,яъне рубу чин мекунанд, богбонй мекунанд. Ое шахси мусулмонро дар калисои насронй кор карданаш раво аст ,чихати шаръии масъаларо мефахмондед.Аз шумо хело сипосгузорам

    Нравится

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s

%d такие блоггеры, как: