Перейти к содержимому

Озода будан ва озода зистан дар каломи Имом Алӣ (а)

Рубоъие мансуб ба Имом Алӣ (а) аст, ки мефармояд:

* * *

کُدَّ کَدَّ الْعَبْدِ انْ احْبَبْتَ انْ تُصْبِحَ حُرّا

وَاقْطَعِ الْآمالَ مِنْ مالِ بَنی آدَمَ طُرّا

لا تَقُلْ ذا مَکْسَبٍ یُزْری فَقَصْدُ النّاسِ ازْری

انْتَ مَا اسْتَغْنَیْتَ عَنْ غَیْرِکَ اعْلَی النّاسِ قَدْرا

* * *

Яъне агар дилат мехоҳад озод зиндагӣ кунӣ, мисли бардагон заҳмат бикаш, кор кун, ранҷ бикаш ва чашм аз моли ҳамаи фарзандони Одам, ҳар ки мехоҳад бошад, ҳарчанд Ҳотами Той, бибанд. Намегӯяд, фақат чашми тамаъ аз моли мардуми паст ва дун бибанд, на, балки ҳатто чашми тамаъ бибанд аз моли мардуми сахӣ ва бокарам мисли Ҳотам Той.

Баъд мегӯяд, баъзе аз афрод вақте бархе аз шуғлҳо ба онҳо пешниҳод мешавад, ки коргарӣ кун, бел бизан, мегӯянд, ин кор кори паст аст. Ҳаммолӣ кун, мегӯянд, паст аст. Имом мефармояд: ҳар коре, ҳар чӣ ҳам, ки ту онро паст гумон бикунӣ, пасттар аз ин ки дасти тамаъат пеши дигарон дароз бошад нест.

Монанди бардагон талош кун агар дӯст дорӣ озода бошӣ, ва умедатро аз дороии тамоми фарзандони Одам қатъ кун. Чизе аз ин пасттар нест, ки ту ба қасди мардум биравӣ; ба ин қасд биравӣ, ки аз мардум чизе бигирӣ. Ту ҳамин миқдор, ки аз дигарон бениёз бошӣ, аз ҳамаи мардум бартар ҳастӣ.”

Ба назарам, дар суханони Ҷоҳиз, ки аҳл адаб аст (Ҷоҳиз фавқулъода марди балиғе аст ва марди сухан аст ва фавқулъода ба суханони Имом Алӣ (а) эҳтиром қоил аст ва ҳарфҳои аҷибе ҳам мезанад) дидам, ки мегӯяд:

Дар миёни суханони Алӣ (а) 9 сухан аст, ки дар дунё назир надорад. Аз миёни он 9 сухан, 3 суханаш марбут ба озодӣ ва озодагӣ аст.”

Яке аз онҳо ин аст, ки Имом Алӣ (а) мефармояд:

احتج الی من شئت تکن اسیره، استغن عن من شئت تکن نظیره، احسن الی من شئت تکن امیره

Мӯҳтоҷи ҳар ки шавӣ, асири ӯ хоҳӣ буд. Бениёз аз ҳар ки гардӣ, бо ӯ баробар хоҳӣ шуд. Ва ҳар киро мавриди некӣ ва эҳсон қарор диҳӣ, фармонравои ӯ хоҳӣ шуд.”

Пас ниёзмандӣ ба афроди дигар навъе бардагӣ аст, аммо чӣ хел бардагӣ аст? Бардагии тан аст? На, бардагии руҳ аст. Бардагии маънавӣ аст.

Имом Алӣ (а) ҳамчунин дар ҳикмати 180 “Наҳҷул-балоға” мефармояд:

الطمع رق مؤبد

Тамаъ бардагии ҳамешагӣ аст.” Яъне аз бардагӣ бадтар, тамаъ доштан аст.

* * *

Манобеъ:

Наҳҷул-балоға

Ғурарул-ҳикам

Озодии маънавӣ, Муртазо Мутаҳҳарӣ

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s

This site uses Akismet to reduce spam. Learn how your comment data is processed.

%d такие блоггеры, как: