Гуноҳони кабира кадоманд?

Гуноҳони кабира ба маънои гуноҳони бузург, гуноҳонеанд, ки Қуръон ва аҳодис барои анҷоми онҳо ваъдаи дӯзах додааст, магар он ки тавба кунад ва мавриди бахшоиши Худо қарор бигирад. Дар шумор ва номи гуноҳони кабира ихтилоф аст ва аз 7 то беш аз 40 гуноҳ баршумурдаанд.

* * *

Ақсоми гуноҳ

Гуноҳон ду гунаанд: гуноҳони кабира (бузург) ва гуноҳони сағира (кучак). Ин тақсимбандӣ аз Қуръон ва ривоёт сарчашма гирифтааст. Дар ояти 31 сураи Нисо омадааст:

إِن تَجْتَنِبُواْ كَبَآئِرَ مَا تُنْهَوْنَ عَنْهُ نُكَفِّرْ عَنكُمْ سَيِّئَاتِكُمْ وَنُدْخِلْكُم مُّدْخَلًا كَرِيمًا

Агар аз гуноҳони кабирае, ки аз он наҳй шудаед дурӣ кунед, гуноҳони кучаки шуморо мепӯшонем ва шуморо дар ҷойгоҳи хубе ворид месозем.”

Ва дар ояти 37 сураи Шӯро дар бораи биҳиштиён омадааст:

وَالَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ وَإِذَا مَا غَضِبُوا هُمْ يَغْفِرُونَ

Касоне, ки аз гуноҳони бузург ва зишткориҳо худро ба дур медоранд, ва чун ба хашм дармеоянд, дармегузаранд.”

* * *

Меъёри кабира ё сағира будани гуноҳ

Барои гуноҳони кабира чанд меъёр баён кардаанд:

— Ҳар гуноҳе, ки дар Қуръон ва ҳадис бар кабира будани он тасреҳ шуда бошад;

— Ҳар маъсияте, ки дар Қуръон ё ривоёт ваъдаи оташ бар иртикоби он расида бошад;

— Ҳар гуноҳе, ки дар Қуръон ё ҳадис аз гуноҳе, ки кабира буданаш мусаллам аст бузургтар шумурда шавад;

— Такрори гуноҳони сағира.

… ва чанд меъёри дигар, ки дар китобҳои ахлоқӣ зикр шудааст, ки муҳимтарини онҳоро баршумурдем.

* * *

Феҳристи гуноҳони кабира

1) Ширк ба Худо:

إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ

Ҳамоно касе, ки барои Худо шарик қарор бидиҳад, Худованд биҳиштро бар ӯ ҳаром мекунад ва ҷойгоҳаш оташ аст.” (Сураи Моида, ояти 72)

2) Ноумеди аз раҳмати Худо:

إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ

Ва аз раҳмати Худо ноумед намешавад магар қавми кофир.» (Сураи Юсуф, ояти 87)

3) Эминӣ аз макр (азоб ва мӯҳлат)-и Худо:

أَفَأَمِنُواْ مَكْرَ اللّهِ فَلاَ يَأْمَنُ مَكْرَ اللّهِ إِلاَّ الْقَوْمُ الْخَاسِرُونَ

Оё аз макри Худо худро эман донистанд?! Бо он ки ҷуз мардуми зиёнкор касе худро аз макри Хуо эман намедонад.” (Сураи Аъроф, ояти 99)

4) Уқуқ (ва озор)-и волидайн:

وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا

Ва маро нисбат ба модарам некӯкор карда ва зургӯ ва бадбахтам нагардонидааст.” (Сураи Марям, ояти 32)

5) Куштани мӯмини бегуноҳ:

وَمَن يَقْتُلْ مُؤْمِنًا مُّتَعَمِّدًا فَجَزَآؤُهُ جَهَنَّمُ خَالِدًا فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

Ва ҳар кас амдан мӯъминеро бикушад, кайфараш дӯзах аст, ки дар он ҷовидон хоҳад монд ва Худо бар ӯ хашм мегирад ва лаънаташ мекунад ва азобе бузург барояш омода сохтааст.” (Сураи Нисо, ояти 93)

6) Хӯрдани моли ятим:

إِنَّ الَّذِينَ يَأْكُلُونَ أَمْوَالَ الْيَتَامَى ظُلْماً إِنَّمَا يَأْكُلُونَ فِي بُطُونِهِمْ نَاراً وَسَيَصْلَوْنَ سَعِيراً

Дар ҳақиқат касоне, ки амволи ятимонро ба ситам мехӯранд, ҷуз ин нест, ки оташе дар шиками худ фурӯ мебаранд ва ба зудӣ дар оташе фурӯзон дароянд.” (Сураи Нисо, ояти 10)

7) Фирор аз ҷабҳаи ҷиҳод:

وَمَن يُوَلِّهِمْ يَوْمَئِذٍ دُبُرَهُ إِلاَّ مُتَحَرِّفًا لِّقِتَالٍ أَوْ مُتَحَيِّزًا إِلَى فِئَةٍ فَقَدْ بَاء بِغَضَبٍ مِّنَ اللّهِ وَمَأْوَاهُ جَهَنَّمُ وَبِئْسَ الْمَصِيرُ

Ва ҳар ки дар он ҳангом ба онон пушт кунад, магар он ки ҳадафаш канорагирӣ барои набарде муҷаддад ё пайвастан ба ҷамъе дигар аз ҳамроҳонаш бошад, қатъан ба хашми Худо гирифтор хоҳад шуд ва ҷойгоҳаш дӯзах аст ва чӣ бад саранҷомест!” (Сураи Анфол, ояти 16)

8) Рибо:

الَّذِينَ يَأْكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُواْ إِنَّمَا الْبَيْعُ مِثْلُ الرِّبَا وَأَحَلَّ اللّهُ الْبَيْعَ وَحَرَّمَ الرِّبَا فَمَن جَاءهُ مَوْعِظَةٌ مِّن رَّبِّهِ فَانتَهَىَ فَلَهُ مَا سَلَفَ وَأَمْرُهُ إِلَى اللّهِ وَمَنْ عَادَ فَأُوْلَئِكَ أَصْحَابُ النَّارِ هُمْ فِيهَا خَالِدُونَ

Касоне, ки рибо мехӯранд, (аз гӯр) барнамехезанд магар монанди бархостани касе, ки шайтон бар асари тамос ошуфтасараш кардааст. Ин бад-он сабаб аст, ки онон гуфтанд: Доду ситад сирфан монанди рибост. Ва ҳол он ки Худо доду ситадро ҳалол ва риборо ҳаром гардонидааст. Пас, ҳар кас андарзе аз ҷониби парвардигораш бад-ӯ расид, ва (аз рибохорӣ) бозистод, он чи гузашта, аз они ӯст, ва кораш ба Худо вогузор мешавад, ва касоне ки (ба рибохорӣ) бозгарданд, онон аҳли оташанд ва дар он мондагор хоҳанд буд.” (Сураи Бақара, ояти 275)

9) Сеҳру ҷоду:

وَلَـكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ

Ва лекин шайтонҳо кофир шуданд, ки мардумро сеҳр ёд медоданд…” (Сураи Бақара, ояти 102)

10) Зино:

وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ أَثَامًا

Ва касоне, ки бо Худо маъбуде дигар намехонанд ва касеро, ки Худо хунашро ҳаром кардааст, ҷуз ба ҳақ намекушанд ва зино намекунанд ва ҳар кас инҳоро анҷом диҳад, сазояшро дарёфт хоҳад кард.” (Сураи Фурқон, ояти 68)

11) Ливот:

لعن الله من عمل عمل قوم لوط

Худованд лаънат кардааст касеро, ки амали қавми Лутро анҷом диҳад.” (Ривояти Нисоӣ)

12) Қазф (тӯҳмати зино додан):

إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ

Бе гумон, касоне, ки ба занони покдоман ва бехабар ва боимон нисбати зино медиҳанд, дар дунё ва охират лаънат шудаанд ва барои онҳо азобе сахт хоҳад буд.” (Сураи Нур, ояти 23)

13) Дурӯғ:

ثُمَّ نَبْتَهِلْ فَنَجْعَل لَّعْنَةَ اللّهِ عَلَى الْكَإذِبِينَ

Сипас мубоҳала кунем ва лаънати Худоро бар дурӯғгӯён қарор диҳем.” (Сураи Оли Имрон, ояти 61)

14) Дурӯғ бастан ба Худо ва Паёмбар:

وَيَوْمَ الْقِيَامَةِ تَرَى الَّذِينَ كَذَبُواْ عَلَى اللَّهِ وُجُوهُهُم مُّسْوَدَّةٌ

Ва рӯзи қиёмат касонеро, ки бар Худо дурӯғ бастаанд, рӯсиёҳ мебинӣ…” (Сураи Зумар, ояти 60)

15) Ғайбат:

وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ

Ва баъзе аз шумо ғайбати баъзе накунад, оё касе аз шумо дӯст дорад, ки гӯшти бародари мурдаашро бихӯрад, аз он кароҳат доред…” (Сураи Ҳуҷурот, ояти 12)

16) Напардохтани закот:

وَوَيْلٌ لِّلْمُشْرِكِينَ الَّذِينَ لَا يُؤْتُونَ الزَّكَاةَ وَهُم بِالْآخِرَةِ هُمْ كَافِرُونَ

Вайл бар мушрикон, ки закот намедиҳанд ва онон, ки ба охират нобоваранд.” (Сураи Фуссилат, ояти 6-7)

17) Шаробхорӣ:

يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ

Эй касоне, ки имон овардаед! Шароб ва қимор ва бутҳо ва тирҳои қуръа палиданд ва аз амали шайтонанд, пас, аз онҳо дурӣ гузинед, бошад, ки растгор шавед.” (Сураи Моида, ояти 90)

18) Тарки намоз:

فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيّاً 

Он гоҳ пас аз онон ҷонишиноне ба ҷой монданд, ки намозро табоҳ сохта ва аз ҳавасҳо пайравӣ карданд ва ба зудӣ сазои гумроҳии худро хоҳанд дид.” (Сураи Марям, оятҳои 59-60)

19) Паймоншиканӣ:

وَالَّذِينَ يَنقُضُونَ عَهْدَ اللّهِ مِن بَعْدِ مِيثَاقِهِ وَيَقْطَعُونَ مَآ أَمَرَ اللّهُ بِهِ أَن يُوصَلَ وَيُفْسِدُونَ فِي الأَرْضِ أُوْلَئِكَ لَهُمُ اللَّعْنَةُ وَلَهُمْ سُوءُ الدَّارِ

Ва касоне, ки паймони Худоро пас аз бастани он мешикананд ва он чиро Худо ба пайвастани он фармон дода мегсаланд ва дар замин фасод мекунанд ва бар эшон лаънат аст ва бад фарҷоме он сарои эшонрост.” (Сураи Раъд, ояти 25)

20) Қатъи раҳм:

وَاتَّقُوا اللَّـهَ الَّذِی تَسَاءَلُونَ بِهِ وَالْأَرْحَامَ

Ва аз Худое, ки ба номи ӯ аз ҳамдигар дархост мекунед парво намоед ва зинҳор аз хешовандон мабуред…” (Сураи Нисо, ояти 1)

21) Дуздӣ:

لا يزني الزاني حين يزني وهو مؤمن، ولا يسرق السارق حين يسرق وهو مؤمن

Зинокор зино намекунад ҳангоме ки зино мекунад дар ҳоле ки мӯъмин бошад. Ва дузд дуздӣ намекунад ҳангоме ки дуздӣ мекунад дар ҳоле ки мӯъмин бошад.” (Ҳадиси муттафақун алайҳи)

22) Шаҳодати баноҳақ додан:

فَاجْتَنِبُوا الرِّجْسَ مِنَ الْأَوْثَانِ وَاجْتَنِبُوا قَوْلَ الزُّورِ

Пас, аз палидии бутҳо дурӣ кунед ва аз гуфтори ботил (шаҳодати баноҳақ) иҷтиноб варзед.” (Сураи Ҳаҷ, ояти 30)

23) Қимор:

يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ

Эй касоне, ки имон овардаед! Шароб ва қимор ва бутҳо ва тирҳои қуръа палиданд ва аз амали шайтонанд, пас, аз онҳо дурӣ гузинед, бошад, ки растгор шавед.” (Сураи Моида, ояти 90)

24) Зулм:

وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ

Ва касоне, ки ситам кардаанд, ба зудӣ хоҳанд донист ба кадом бозгаштгоҳ бархоҳанд гашт.” (Сураи Шуъаро, ояти 227)

25) Хиёнат:

وَأَنَّ اللّهَ لاَ يَهْدِي كَيْدَ الْخَائِنِينَ

Ва Худо найранги хоинонро ба ҷое намерасонад.” (Сураи Юсуф, ояти 52)

26) Суханчинӣ:

وَلَا تُطِعْ كُلَّ حَلَّافٍ مَّهِينٍ. هَمَّازٍ مَّشَّاء بِنَمِيمٍ 

Ва аз ҳар қасамхӯрандаи фурӯмояе фармон мабар, (ки) айбҷӯст ва барои хабарчинӣ гом бармедорад.” (Сураи Қалам, оятҳи 10-11)

27) Ташаббуҳи мардон ба занон ва билъакс:

لعن الله المخنثين من الرجال، والمترجلات من النساء

Худованд мардоне, ки худро ба занон, ва занонеро, ки худро ба мардон монанд мекунанд, лаънат кардааст (ё, лаънат кунад!).” (Ривояти Бухорӣ)

28) Даюсӣ:

ثلاثة لا يدخلون الجنة: العاق لوالديه، والديوث، ورجلة النساء

Се гурӯҳ ворид биҳишт намешаванд: оққи волидайн, даюс ва заноне, ки адои мардонро дармеоваранд.” (Ривояти Насоӣ, Ҳоким ва Аҳмад)

29) Такфири мусалмон:

من قال لأخيه يا كافر فقد باء بها أحدهما

Касе, ки ба бародараш бигӯяд, эй кофир!, қатъан домангири яке аз онҳост.” (Ривояти Бухорӣ) Яъне агар ӯ кофир набошад, гӯяндаи ин сухан кофир хоҳад шуд.

… ва ғайра, ки мо муҳимтарини онҳоро зикр кардем.



Рубрики:Ахлоқи зишт, Барномаи зиндагӣ, Ислом, Омӯзаҳои набавӣ, Омӯзаҳои қуръонӣ

Метки: , ,

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s

%d такие блоггеры, как: