Ҳуқуқи башар

Шӯҳрати Раҳматулло: “Масъули Кумитаи занон дурӯғ мегӯяд // Касе бо хоҳарам тамос нагирифтааст” – (Видео)

Шӯҳрати Раҳматулло, рӯзноманигор ва бародари Нилуфар Раҷабова, зимни такзиби иддаои Сабоҳат Маҳмадалиева, аз масъулони Кумитаи занон ва оилаи Тоҷикистон, ки гуфтааст, масъулони ин ниҳод бо Нилуфар Раҷабова “тамос гирифта, хостори таҳқиқи қазия шуданд, аммо ӯ ҳозир нашуд”, изҳор дошт: “Ин хабар асос надорад, касе аз ин ниҳод бо хоҳари ман занг назадааст.”

Ин рӯзноманигори тоҷик дар як паёми видеоӣ, гуфт, ки хоҳараш аз сӯи пулиси ноҳияи Сино-2 подполковник Машраф Истамзода таҳқир ва латукӯбу шиканҷа шудааст, на касе дигар. Вай афзуд: “Дар гузорише дар Родию Озодӣ хондам, ки Сабоҳат Маҳмадалиева, аз масъулони Кумитаи занон мегӯяд, як нафар корманди ин кумитаро танбеҳ кардаанд. Шояд ҳамин тавр ҳам бошад, вале хандаам мегирад, ки ин ҳукумати фейкӣ ба ҷойи ҷинояткор ва гунаҳкори аслӣ яъне подполковники милиса Машраф Истамзода, кадом як зани бечораро танбеҳ мекунад, ки ин ғайриқонунӣ аст.”

Шӯҳрати Раҳматулло идома дод: “Агар ҳукумат воқеан мехоҳад адолат пойдор бимонад, бояд подполковники милиса Машраф Истамзодаро муҷозот кунад, на кадом як масъули бечораи Кумитаи занонро, ки ӯ ҳам фармони болоро иҷро мекунад.”

Ба гузориши вебсойти Родию Озодӣ, Сабоҳат Маҳмадалиева, як масъули Кумитаи занон ва оилаи Тоҷикистон рӯзи 12-уми феврал зимни нишасти хабарӣ гуфтааст, қазияи Нилуфар Раҷабова дар як ҷаласаи назди раиси Кумита баррасӣ шуда, корманди яке аз бахшҳои он, ки дар маъракаи «фаҳмондадиҳӣ» ба Нилуфар Раҷабова ширкат дошт, барои рафтори нодуруст бо ин сокини Душанбе, танбеҳ гирифт.

«Рафтори корманде, ки аз ҷониби зерсохтори мо буд, нодуруст буд. Тавре ин зан гуфта буд, аз дасташ кашида бурданд. На ба ин тарз бояд корбарӣ шавад. Шаъну шарафи инсон бояд поймол нагардад. Итминон дорем, ки минбаъд ингуна ҳодисаҳо рух намедиҳанд«,-афзуд Сабоҳат Маҳмадалиева.

Хонум Маҳмадалиева ҳамзамон гуфт, Нилуфар Раҷабова ба ин ниҳод муроҷиат накардааст ва масъулини ин ниҳод бо ӯ тамос гирифта, хостори таҳқиқи қазия шуданд, аммо ӯ ҳозир нашуд.

Ин масъули Кумитаи кор бо занон мегӯянд, корҳои тарғиботӣ бо ҳадафи тарғиби фарҳангу либоси миллӣ дар миёни занон дар доираи талаботҳои қонун сурат мегирад. «Дар моддаҳои 14 ва 15 -и қонун дар бораи танзиму анъана ва ҷашну маросим омадааст, ки шахсоне, ки ба фарҳанги миллӣ аз ҷумла забону либос арҷ намегузоранд, ба ҷавобгарии мъамурӣ кашида мешаванд«.

Аммо Сабоҳат Маҳмадалиева мегӯяд, дар баъзе ҳолатҳо зимни корҳои тарғиботӣ аз номи ин ниҳод сӯистифода мешавад ва рафторҳои нодуруст ҷой дорад. Ӯ гуфт, ҳолатҳое ҳам ҳаст, ки зимни ҷалби занон ба корҳои таблиғотӣ, афроди дигар худро намояндаи Кумитаи занон муаррифӣ мекунанд. «Вақте мо мавриди баррасӣ қарор медиҳем, маълум мешавад, онҳо рабте ба ин ниҳод ва зерсохторҳои он надорад. Чунин ҳолатҳо ҳам бисёр буданд«.

Хонум Маҳмадалиева афзуд, дар чунин ҳолатҳо бояд занон аз онҳое, ки дар ин маъракаҳо худро намояндаи мақомот муаррифӣ мекунанд, ҳуҷҷат талаб кунанд.

Бар асоси гузориши вебсойти Родию Озодӣ, казияи боздошт ва ҳозир кардани Нилуфар ба идораи пулис дар моҳи декабри гузашта, сару садоҳоеро ба миён овард. Нилуфар Раҷабова пас аз берун шудан аз идораи пулис қазияи худро расонаӣ кард ва аз хушунат ва озор аз сӯи пулис ба Додситонии кулли Тоҷикистон шикоят бурд.

Аммо рӯзи 18-уми декабр Додгоҳи ноҳияи Синои пойтахт Нилуфар Раҷабоваро бар асоси шикояти Раъно Абдуллоева, мудири шуъбаи кор бо занон ва оилаи ҳукумати ноҳияи Синои пойтахт бо гуноҳи «майдаавбошӣ» 550 сомонӣ ҷарима баст. Нилуфар аз ин ҳукм ба Додгоҳи шаҳри Душанбе шикояти кассатсионӣ бурд, аммо рӯзи 22-юми январ додгоҳ онро бетағйир гузоштааст.

Ин зани ҷавон дар ҳоле барои доштани рӯсарӣ ба идораи пулис бурда шуд, ки мақомоти Тоҷикистон ҳамеша вуҷуди ҳамагуна амалиёту боздошт барои пӯшидани сатрро рад мекунанд.

Аммо чанд соли ахир назоратро аз болои либос ва намуди зоҳирии сокинон сахттар карда, аз ҷумла, барои донишомӯзону кормандони идораҳои давлатӣ пӯшидани либоси мазҳабиро манъ кардаанд. Худи Нилуфар Раҷабова мегӯяд ҷарима шуданаш бо гуноҳи майдаавбошӣ баъди он сурат гирифт, ки қазияи худро расонаӣ кард.

Созмонҳои байналмилалӣ борҳо аз боздошту бозпурсии пайвандони фаъолони сиёсӣ аз мақомоти тоҷик хостаанд, ки фишор алайҳи хонаводаҳои онҳо дар кишварро қатъ кунанд. Ин ниҳодҳо менавиштанд, истифодаи пайвандони аъзои гурӯҳҳои сиёсӣ ҳамчун гаравгон ба хотири тарсондан ва бастани даҳони мунтақидони ҳукумат, ҳуқуқи аслии инсонро поймол мекунад ва баёнгари таҳаммулнопазирии ҳукумат дар баробари дигарандешист.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s

This site uses Akismet to reduce spam. Learn how your comment data is processed.