Ваҳдати исломӣ

Дуои паноҳ бурдан ба Худо

Имом Саҷҷод чунин муноҷот кунад:

اللّهُمَّ إن تَشَأْ تعفُ عَنّا فَبِفضْلِكَ، وَانْ تَشَأْ تُعَذِّبْنا فَبَعدْلِكَ. فَسَهِّلْ لَنَا عَفْوَكَ بِمنِّكَ، وَأَجِرْنَا مِنْ عَذَابِكَ بِتَجاوُزك؛ فَإنَّهُ لاَ طاقَةَ لَنَا بَعدِكَ، وَلاَ نجاةَ لأحَد دُوْنَ عَفْوِكَ. يا غَنِيَّ الأغْنياء هَا نَحَنُ عِبادُكَ بَینَ یَدَیکَ، وَأَنَا أَفْقَرُ إليْكَ فَأجْبُرْ فاقَتَنا بِوُسْعِكَ، ولا تَقْطَعَ رَجَاءنا بِمَنْعِكَ فَتَكُوْنَ قد أَشْقَيْتَ مَنِ اسْتَسْعَدَ بِكَ، وَحَرَمْتَ مَنِ اسْتَرْفَدَ فَضْلَكَ. فَإلى مَنْ حيْنئذ مُنْقَلَبُنَا عَنْكَ، وإلى أيْنَ مَذهَبُنَا عن بَابِكَ، سُبْحَنَكَ نَحْنُ المضْطُّرون الذّينَ أَوْجَبْتَ إجابَتَهُمْ، وَأهْلُ السُّوْء الذّيْنَ وَعَدْتَ الْكَشْفَ عَنْهُمْ. وَأَشْبَـهُ الأَشْياءِ بِمَشِيَّتِـكَ، وَأَوْلَى الأمُورِ بِكَ فِي عَظَمَتِكَ رَحْمَةُ مَنِ اسْتَرْحَمَكَ، وَغَوْثُ مَنِ اسْتَغَاثَ بِكَ، فَارْحَمْ تَضَرُّعَنَا إلَيْكَ، وَأَغْنِنَا إذْ طَرَحْنَـا أَنْفُسَنَا بَيْنَ يَـدَيْكَ. أللَّهُمَّ إنَّ الشَّيْطَانَ قَدْ شمِتَ بِنَا إذْ شَايَعْنَاهُ عَلَى مَعْصِيَتِكَ، فَصَلِّ عَلَى مُحَمَّد وَآلِهِ وَلا تُشْمِتْهُ بِنَا بَعْدَ تَرْكِنَا إيَّاهُ لَكَ، وَرَغْبَتِنَا عَنْهُ إلَيْكَ

Худоё! Агар ирода кунӣ, ки моро биёмурзӣ, ин омурзиш натиҷаи фазли туст, ва агар хости ту кайфар додани мо бошад, ин кайфар ҳам аз адолати туст.

Пас, бар мо миннат гузор ва дар кори бахшиши худ сахт магир, аз гуноҳонамон даргузар, ва моро аз азоби худ раҳоӣ деҳ, ки моро тоқати адли ту нест ва бе бахшоиши ту ҳеч як аз моро умеди наҷот набошад.

Эй бениёзи бениёзон! Инак, мо бандагони ту дар пешгоҳи туем, ва ман аз ҳама ба ту мӯҳтоҷтарам.

Пас, ба тавонгарии хеш тиҳидастии моро чорае соз ва эҳсони хешро аз мо дареғ мадор, он гуна ки навмед гардем; ки агар чунин кунӣ, он кас ки аз ту некбахтӣ хоста, бадбахт шавад, ва он кас ки аз эҳсони ту чашми бахшиш дошта, тиҳидаст монад.

Он гоҳ бо чунин ҳоли навмедӣ, пеши чӣ касе равем ва рӯйи ниёз ба кадомин даргоҳ барем?!

Худоё! Ту муназзаҳ ва покӣ, ва мо он бечорагонем, ки баровардани хости эшонро воҷиб кардаӣ, ва он ранҷдидагонем, ки бардоштани ранҷи эшонро ваъда фармудаӣ.

Хости туро сазовортар ва бузургии туро шоистатар он аст, ки касеро, ки аз ту раҳмат хоста, раҳмат кунӣ, ва он касро, ки аз ту ёрӣ талабад, фарёдрас бошӣ.

Пас, бар зорӣ ва ниёзи мо раҳмат овар, ва акнун ки хештанро бар остони ту афкандаем, бениёзамон фармо.

Худоё! Он дам ки аз шайтон фармонбарӣ кардем ва аз ту нофармонӣ, шайтон ба шодӣ пардохт.

Пас, бар Муҳаммад ва хонадонаш дуруд фирист, ва инак, ки мо ӯро барои хотири ту раҳо кардем ва ба сӯйи ту омадаем, дигар ба гуноҳ кардани мо шодаш макун.

(Саҳифаи Саҷҷодия)

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s

This site uses Akismet to reduce spam. Learn how your comment data is processed.